Recollida de residuos
Contedores e separación correcta
Todas as fraccións, máis preto de ti, cunha nova contenerización en todo o concello.
Por que separar
Separar ben é máis cómodo, máis barato e obrigatorio
Pontelimpa quere ofrecer á cidadanía un servizo máis cómodo, accesible e estético para unha correcta separación de todos os residuos, achegando todas as fraccións a todos os lugares do concello, tanto no rural como no urbano.
Faremos esforzos comunicativos con materiais gráficos, campañas e charlas formativas, visitas a establecementos que producen grandes cantidades de residuos e abrirase unha Oficina de Atención á Veciñanza para resolver as dúbidas da cidadanía.
Na Aula Ambiental que proximamente se inaugurará no Punto Limpo Fixo, aberta a todo o público, poderás aprender que se fai cos residuos que botas nos contedores.
* Modelos de contedores do novo servizo. A rotulación definitiva das pegatinas está pendente da aprobación do concello.
Fracción
Resto
Si podes botar
- · Cueiros, compresas e tampóns
- · Toalliñas húmidas
- · Material sanitario doméstico (vendas, algodón, tiritas, gasas…)
- · Restos de varrer e bolsas de aspiradora
- · Cabichas de tabaco e cinzas
- · Excrementos de animais domésticos e as súas areas
- · Vaixela, copas e porcelana
- · Roupa con manchas activas ou húmida
Non botes
- · Residuos que poden ir no amarelo, azul, verde ou marrón
- · Residuos que deben ir aos puntos limpos
Ten moito coidado coas cabichas e cinzas: cando as botes, fíxate que non estean quentes.
Fracción
Orgánica
Si podes botar
- · Restos de comida e de plantas pequenas (verduras, carnes, peixe, ósos, espiñas, ovos e cascas, pan, pastas, arroces, produtos lácteos…)
- · Bolsas de infusión de papel
- · Restos de café
- · Tapóns de cortiza e escarvadentes
- · Cascas de froitos secos
- · Servilletas de papel e papel de cociña
- · Bolsas e envases compostables
Non botes
- · Cápsulas de café
- · Bolsas de infusión de poliéster (van no Resto)
- · Tapóns de plástico
- · Bolsas compostables nos composteiros domésticos
Non botes nada que conteña plásticos: os residuos deixarían de valer para facer compost.
Fracción
Envases
Si podes botar
- · Envases de plástico
- · Latas de conservas e bebidas
- · Tapas de metal de botes
- · Tetrabricks
- · Papel de aluminio e film plástico
- · Bolsas de plástico
Non botes
- · Obxectos de plástico que non son envases
- · Xoguetes e plásticos ríxidos (punto limpo)
Comprime os envases para que ocupen o menor espazo posible e fíxate que teñan o símbolo de envase: se non o teñen, supoñen un custo engadido para o concello.
Fracción
Papel / cartón
Si podes botar
- · Papel e cartón limpo
- · Xornais e revistas
- · Envases de cartón
- · Bolsas de papel
Non botes
- · Tetrabricks (teñen plástico e aluminio)
- · Papel sucio ou con restos de comida
Dobra ben as caixas para que ocupen o menor volume posible.
Fracción
Vidro
Si podes botar
- · Botellas sen corchos nin tapóns
- · Botes de alimentos sen tapas
Non botes
- · Cristal plano e espellos
- · Copas, vaixela ou porcelana
Estes residuos non se reciclan do mesmo xeito que o vidro de envase.
Fracción
Aceite doméstico
Si podes botar
- · Aceite de cociña de orixe doméstica en botella plástica pechada
Non botes
- · Aceites minerais ou industriais (punto limpo)
O teu aceite usado serve para elaborar biodiésel, lubricantes, pensos ou deterxentes.
Fracción
Téxtil
Si podes botar
- · Roupa usada e roupa rota
- · Calzado unido polos cordóns ou desparellado
- · Bolsos e bolsas de tea
- · Gorros, roupa interior e calcetíns
- · Sabas, toallas, manteis, cortinas e mantas
Non botes
- · Roupa húmida
- · Roupa con manchas activas
A roupa húmida ou manchada pode estropear o resto de roupa e fibras en bo estado.
Lembra
O contedor de Resto é o máis caro
Teléfono gratuíto
Para acceder a todos os servizos de PONTELIMPA e para trasladar suxerencias, consultas, ideas de mellora e incidencias.
Estamos ao outro lado do teléfono
Chámanos de balde para calquera servizo, incidencia, consulta ou suxerencia.
