Puntos limpos móbiles e de proximidade

O Concello de Ponteareas pon á disposición da veciñanza 4 puntos limpos móbiles e 1 punto de proximidade. Son caixas con compartimentos para botar de xeito separado residuos que non podes depositar nos contedores habituais da rúa.

Os residuos que deixas nestas caixas lévanse ao Punto Limpo Fixo, onde se almacenan clasificados por tipoloxías á espera de que o xestor autorizado os recolla para o seu tratamento e aproveitamento.

O punto de proximidade atópase permanentemente na Rúa Rogelio Groba Groba, ao lado do edificio do Concello, e admite os mesmos residuos que as caixas dos puntos móbiles.