Recollida de residuos
Recollidas especiais
Cartón comercial porta a porta, mercados, mercado municipal e Festa do Corpus.
Comercio e hostalería
Recollida de cartón comercial porta a porta
O Concello ofrece aos establecementos comerciais e hostaleiros un servizo de recollida de cartón comercial porta a porta para non colapsar os contedores da rúa, de uso exclusivamente doméstico.
Co novo servizo Pontelimpa aumentamos as frecuencias de recollida de 3 a 6 días por semana. O horario para depositar o cartón comercial é entre as 19:00 e as 21:00 horas, de luns a sábado. É moi importante respectar este horario: as rutas dos camións están fixadas e, se non se respecta, o cartón pode quedar sen recoller, afectando ao tránsito polas beirarrúas e á imaxe do comercio e do concello.
| Zona do establecemento | Como debes depositar o cartón |
|---|---|
| Núcleo central urbano (Avda. Constitución, Praza Maior, Praza Igrexa, R/ Severiano Soutullo desde o Concello ata R/ Senén Canido, R/ Esperanza, R/ Oriente e contorna do Auditorio) | Na porta do teu local, totalmente dobrado e ocupando o menor espazo posible. Xa non se pode depositar ao lado do contedor máis próximo. |
| Zona periférica ao núcleo central urbano | Apoiado contra o contedor de papel/cartón máis próximo ao local, totalmente pregado e ocupando o menor espazo posible. |
* As cartas informativas a comerciantes do núcleo central e da periferia publicaranse aquí tras a aprobación do concello.
Mercados
Mercados semanais ao aire libre
Os mercados semanais dos sábados e os mercados dos días 14 de cada mes contan cunha recollida especial de residuos. Ubícanse na contorna da Praza do Auditorio Reveriano Soutullo, a Praza Maior, a Praza de Bugallal, a Rúa Morales Hidalgo e a Avenida Constitución.
En todas estas zonas, antes de que comece o mercado, instálanse contedores de todas as fraccións para realizar unha recollida separada. Ao finalizar, retíranse os contedores e límpase a zona. Os residuos transpórtanse ao Punto Limpo do concello, onde se depositan no seu colector específico para o traslado posterior ao xestor autorizado.
Con campañas informativas trasladarase ás persoas responsables dos postos a necesidade dunha correcta separación e da prevención na xeración de residuos.
Mercado municipal
Recollida de residuos Sandach
Pontelimpa ten un servizo de recollida de residuos Sandach nos postos do Mercado Municipal: residuos animais de carne e ósos, peixe, ovos, restos de charcutería e lácteos sólidos.
Con estes residuos fabrícanse pensos animais, fariñas animais, biocarburantes e lubricantes, dándolles unha segunda vida.
Corpus
Recollidas na Festa do Corpus
O Corpus Christi, Festa de Interese Turístico Internacional, provoca unha grande afluencia de visitantes e un aumento da actividade económica na restauración e no aloxamento, o que obriga a adaptar temporalmente os servizos de limpeza e recollida.
A elaboración da alfombra floral obriga a xestionar os residuos derivados dela e a limpeza posterior do chan. As persoas que fabrican a alfombra reciben contedores extra para botar a fracción vexetal, cunha colaboración veciñal extra nesta xestión.
Nos días previos é clave non botar plásticos nin metais nestes contedores: eses impropios impedirían converter os restos vexetais en compost.
Teléfono gratuíto
Para acceder a todos os servizos de PONTELIMPA e para trasladar suxerencias, consultas, ideas de mellora e incidencias.
Estamos ao outro lado do teléfono
Chámanos de balde para calquera servizo, incidencia, consulta ou suxerencia.
