Recollida de residuos
Contedor marrón de orgánica
Os residuos orgánicos son un recurso moi valioso para producir compost ou biogás.
Por que
Que consegues botando no contedor marrón
Contribúes a ter un concello económica e ambientalmente máis sostible: o contedor de Resto ten un custo de tratamento moi elevado, polo que só debes botar nel os residuos que non poden ir no amarelo, azul, verde, marrón ou nos puntos limpos.
Avanzamos nos obxectivos das normativas europeas e estatais de obrigado cumprimento e axudas a recuperar un recurso moi valioso, evitando ademais emisións de CO₂ á atmosfera.
Os restos orgánicos recóllense e transpórtanse á Planta de Transferencia do Porriño con destino á Planta Comarcal de Compostaxe de Vilanova de Arousa, onde se mesturan con estruturante (madeira triturada) para elaborar compost, un fertilizante de calidade.
Tres tipos de contedor
Todos pechados, para evitar impropios
Hai tres tipos de contedores de orgánica e todos están pechados para evitar impropios (residuos que non deben ir neste contedor) que contaminarían a materia orgánica e impedirían elaborar compost. Pechando os contedores garantimos que quen os usa ten a información necesaria para a súa correcta xestión.
| Onde | Como funciona | Como acceder |
|---|---|---|
| No núcleo urbano | Contedores marróns pechados nas rúas do núcleo urbano. | Solicita a tarxeta de apertura de tapa no 900 84 14 84 ou no formulario. |
| No centro de cada parroquia | Se non podes poñer un composteiro na túa finca, tes un contedor marrón en cada parroquia. | Solicita a tarxeta de apertura no 900 84 14 84 ou no formulario. |
| No centro urbano «Quita e Pon» | Pequenos contedores de todas as fraccións que se colocan ás 18:30 h e se retiran de mañá. | Solicita a chave do contedor marrón no 900 84 14 84. |
Guía rápida
Que botar e que non botar
Si podes botar
- · Restos de comida e de plantas pequenas (verduras, carnes, peixe, ósos, espiñas, ovos e cascas, pan, pastas, arroces, lácteos…)
- · Bolsas de infusión de papel
- · Restos de café
- · Tapóns de cortiza e escarvadentes
- · Cascas de froitos secos
- · Servilletas de papel e papel de cociña
- · Bolsas e envases compostables
Non botes
- · Cápsulas de café
- · Bolsas de infusión de poliéster
- · Tapóns de plástico
- · Calquera residuo que conteña plástico
* O folleto de recollida da fracción orgánica está en elaboración e publicarase nesta páxina.
Solicitudes
Pide a túa tarxeta de apertura
Solicitude para domicilios
Para vivendas do concello de Ponteareas que pagan a taxa do lixo.
Formulario de mostra: a versión final conectarase co xestor de solicitudes do servizo.
Solicitude para local comercial ou hostaleiro
Formulario de mostra: a versión final conectarase co xestor de solicitudes do servizo.
Teléfono gratuíto
Para acceder a todos os servizos de PONTELIMPA e para trasladar suxerencias, consultas, ideas de mellora e incidencias.
Estamos ao outro lado do teléfono
Chámanos de balde para calquera servizo, incidencia, consulta ou suxerencia.
