Servizos
Limpeza viaria
Un servizo de limpeza que procura o benestar da veciñanza cumprindo coas normativas ambientais e de sostibilidade.
Intro
Que mellora Pontelimpa na limpeza viaria
- Aumento de persoal e de medios materiais
- Redución de ruídos e contaminación atmosférica con equipos e vehículos eléctricos ou de baixas emisións
- Incremento das frecuencias de limpeza en zonas e días críticos
- Incremento de limpeza e desbroces na zona rural e periférica do núcleo urbano
- Reposición e aumento de papeleiras e sanecáns
- Reforzos nas limpezas puntuais: festas, fenómenos meteorolóxicos, sumidoiros e imbornais
Como traballamos
Tipos de limpeza
| Tipo de limpeza | En que consiste |
|---|---|
| Varrido manual | Equipos a pé en rúas, prazas e zonas peonís do núcleo urbano. |
| Varrido mecánico | Varredoras de baixas emisións en viais e itinerarios amplos. |
| Baldeo | Auga a presión para pavimentos, prazas e zonas de maior afluencia. |
| Rural e periférica | Limpeza e desbroces nas parroquias e na contorna do núcleo. |
| Limpezas puntuais | Mercados, festas, Corpus, fenómenos meteorolóxicos (incluída neve) e urxencias. |
O servizo conta cun equipo humano ampliado e con novos medios materiais: vehículos e equipos eléctricos ou de baixas emisións que reducen o ruído e as emisións na vila.
Equipamento urbano
Papeleiras e sanecáns
Repoñemos e aumentamos o número de papeleiras e sanecáns, cun cambio de modelo e con frecuencias de baleirado e limpeza reforzadas nas zonas de maior uso.
Servizos específicos
Mercados, parques e áreas recreativas
Mercados ao aire libre. Os mercados semanais dos sábados e os mercados do día 14 de cada mes contan cunha recollida especial de residuos na contorna da Praza do Auditorio Reveriano Soutullo, a Praza Maior, a Praza de Bugallal, a Rúa Morales Hidalgo e a Avenida Constitución. Antes de comezar instálanse contedores de todas as fraccións e, ao finalizar, retíranse os contedores e límpase a zona.
Parques, xardíns e áreas recreativas naturais. Mantemento e limpeza de camiños, zonas verdes e áreas recreativas como A Freixa.
Corpus
Un servizo adaptado á Festa do Corpus
O Corpus Christi, Festa de Interese Turístico Internacional, provoca unha grande afluencia de visitantes e un aumento da actividade económica na restauración e no aloxamento. Estas circunstancias obrigan a adaptar temporalmente os servizos de limpeza.
A elaboración da alfombra floral obriga a xestionar os residuos que dela se derivan e a limpeza posterior do chan. As persoas que fabrican a alfombra reciben contedores extra para a fracción vexetal, cunha colaboración veciñal da que nos sentimos orgullosos.
Nos días previos é fundamental non botar plásticos nin metais nestes contedores: eses impropios impiden converter os restos vexetais en compost.
Tamén facemos
Retirada de pintadas e limpezas puntuais
- Retirada de pintadas, cartaces, adhesivos e chicles
- Limpeza de manchas de aceites
- Limpeza de espazos con eventos e festas
- Retirada da vía pública de residuos abandonados e animais mortos
- Limpeza de sumidoiros e imbornais
- Limpezas derivadas de fenómenos meteorolóxicos, incluída a neve
- Limpezas por calquera causa de urxencia
Teléfono gratuíto
Para acceder a todos os servizos de PONTELIMPA e para trasladar suxerencias, consultas, ideas de mellora e incidencias.
Estamos ao outro lado do teléfono
Chámanos de balde para calquera servizo, incidencia, consulta ou suxerencia.
